مەودا میدیا- سازگار ئەحمەد

بەڕێوەبەرایەتیی هاتوچۆی هەولێر ئاشکرایکرد لە ئەمڕۆوە سیستمی کامیرای خاڵ بۆ خاڵ لەسەر شەقامی 120مەتری خێرای هەولێر دەکەوێتەکار.

فازڵ حاجی، وتەبێژی هاتوچۆی هەولێر بە مەودا میدیای رایگەیاند "سەرجەم هاوڵاتییان و شوفێران ئاگاداردەکەینەوە کەوا لەدوای تەواوبوونی قۆناغی تاقیکردنەوە لە ئەمڕۆ چوارشەممەوە 6ی ئەیلولی 2023 سیستمی کامێرای خاڵ بۆ خاڵ لەسەر شەقامی 120مەتری خێرا لەو بەشەی کە دەکەوێتە نێوان شەقامی کەرکوک و شەقامی موسڵ بەکاردەخرێت بۆ تۆمارکردنی سزای سەرپێچی تیژڕەویی".

ئاماژەی بەوەشکرد "ئەو کامێرایانە بۆ پاراستنی هاوڵاتییانە، بۆ تووشنەبوون بە سزای دارایی داوا لە هاوڵاتییان دەکەین بەو خێراییە بڕۆن کە دیاریکراوە بە هێماکانی هاتوچۆ".

س.ر