مەودا میدیا-

تایبەت بە وەرگرتنەوەی قەرزی پێشینەی هاوسەرگیریی و خانوبەرە، وەزارەتی دارایی و ئابووریی هەرێمی كوردستان رایگەیاند "رێنمایی ژمارە 9ی ساڵی 2023 هەڵدەوەشێندرێتەوە".

وەزارەتی دارایی و ئابووریی حکومەتی هەرێمی کوردستان ئێوارەی ئەمڕۆ چوارشەممە 6ی ئەیلوولی 2023 رایگەیاند،  لەبارەی وەرگرتنەوەی قەرز و گەڕاندنەوەی پشکی پێشینەی هاوسەرگیریی و خانوبەرە رێنماییەك هەڵدەوەشێننەوە و ئەوەش بەهۆی لەبەرچاوگرتنی دۆخی دارایی هاوڵاتییانە.

رێنماییەكە ژمارە 10ی2023ی وەزارەتی داراییە و تێیدا بڕیاردراوە بە هەڵوەشاندنەوەی رێنمایی ژمارە 9ی2023، تایبەت بە وەرگرتنەوەی قەرز و گەڕاندنەوەی پشکی پێشینەی هاوسەرگیریی و خانووبەرە لە دەستبەر (کەفیل).

لە نووسراوەكەدا كە واژۆی ئاواتی شێخ جەناب، وەزیری دارایی لەسەرە ئاماژە بەوەکراوە کە لەسەر فەرمانی مەسرور بارزانی، سەرۆکی حکوومەتی هەرێمی کوردستان بە رەچاوکردنی بارودۆخی ئێستای هاوڵاتیی و فەرمانبەران لە هەرێمی کوردستان بڕیارەكە دراوە.

ژ.ع