مەودا میدیا - رۆژ عەدنان 

 

بەڕێوەبەرایەتیی پۆلیسی راپەڕین رایدەگەیەنێت رووداوێکی تەقەکردن لە قەڵادزێ روویداوە و بەهۆیەوە سێ کەس کوژراون و تەرمەکانیان گەیەدراوەتەوە نەخۆشخانەی فریاکەوتنی قەڵادزێ.

 

ئەمڕۆ پێنجشەممە 7ی ئەیلولی 2023 شۆڕش ئیسماعیل، وتەبێژی بەڕێوەبەرایەتیی پۆلیسی راپەڕین بە مەودا میدیای راگەیاند "رووداوێکی تەقەکردن لە قەڵادزێ روویداوە و بەهۆیەوە سێ کەس کوژراون و لە ئێستادا تەرمەکانیان گەیەندراوەتە نەخۆشخانەی فریاکەوتنی قەڵادزێ".

 

باسی لەوەشکرد "تاوەکو ئێستا وردەکاریی تەواو نازانین و هۆکاری شەڕەتەقەکە نەزانراوە، هێزەکانمان سەرقاڵی لێکۆڵینەوە و کۆکردنەوەی زانیارییە وردەکانن لەبارەی رووداوەکەوە".

 

بەپێی زانیارییەکانی مەودا میدیا، ئەو کەسانەی شەڕەتەقەیان کردووە لەژێر کاریگەریی مادە کحولییەکاندا بوون و لە غاباتی قەڵادزێ کوژراون.

ئەمەش وێنەی دوو لە کوژراوانی رووداوەکەی ئەمڕۆن