مەودا میدیا-

حکومەتی هەرێمی کوردستان رایدەگەیەنێت  ئاستی به‌رهه‌مهێنانی كاره‌با بۆ 3 هەزار و 500 مێگاوات زیادیکردووە، ئاماژەی بەوەشکردووە  ژمارەی هاوبەشانیش بەرزبووەتەوە.

لە راگەیەندراوێکدا کە ماڵپەڕی حکومەتی هەرێمی کوردستان ئەمڕۆ شەممە 9ی ئەیلولی 2023 بڵاویکردووەتەوە تیادا هاتووە "كابینه‌ی نۆیه‌می حكومه‌تی هه‌رێمی كوردستان، له‌سه‌ر بنه‌مای ستراتیژی رووكردنه‌ وزه‌ی خاوێن و دابینكردنی خزمه‌تگوزارییه‌ گرنگه‌كان بۆ هاوڵاتییان، توانیویه‌تی ئاستی به‌رهه‌مهێنانی كاره‌با بگه‌یه‌نێته‌ 3 هەزار و 500 مێگاوات و چه‌ندین وێستگه‌ به‌ سوودوه‌رگرتن له‌ وزه‌ی خاوێن دابمه‌زرێنێت".

 

ئاماژە بەوەشکراوە "ئاستی بەرهەمهێنانی کارەبا 10٪ بۆ 15% زیادیکردووە، ژمارەی هاوبەشانیش گەیشتووەتە ملیۆنێک 850 هەزار هاوبەشی کارەبا".

س،ر