مەودا میدیا - 

 

ئاگرێکی گەورە لە بینای کۆمپانیای سەردار گرووپ لەسەر شەقامی 40 مەتریی پارێزگای هەولێر کەوتەوە و بەوهۆیەشەوە کەسێک برینداربوو.

 

بەپێی زانیارییەکانی مەودا میدیا، رووداوەکە دوای نیوەڕۆی ئەمڕۆ روویداوە لەسەر شەقامی 40 مەتریی پارێزگای هەولێر و ئەو کەسەشی کە لە کۆمپانیای سەردار گرووپ و لەکاتی ئاگرەکەدا برنداربووە، لە نهۆمی چوارەمە بەمەبەستی خۆڕزگارکردن خۆی فڕێداوەتە خوارەوە.

 

هەر بەپێی زانیارییەکان، کۆمەڵێک کارمەندی ئەو کۆمپانیایە لەناو بیناکەدابوون کاتی ئاگرەکە و بەمەبەستی خۆڕزگارکردن چوونەتە بەرزترین نهۆم و دواتر لەلایەن تیمەکانی بەرگریی شارستانیی هەولێرەوە رزگارکراون.

 

مەودا میدیا ئەوەشی زانیویشیەتی، ئاگرە گەورەکە لەلایەن تیمەکانی بەرگریی شارستانییەوە کۆنترۆڵکراوە و سەبارەت بە کەوتنەوەی ئاگرەکەش شایەتحاڵەکان دەڵێن بەهۆی پڕیشکی دەمی کۆسەرەوە بووە.

ر.ع