مەودا میدیا - 

 

بەڕێوەبەرایەتیی تەندروستیی قەزای چەمچەماڵ ئاگاداری هاوڵاتییان دەکاتەوە کە لەکاتی زۆر پێویستدا نەبێت سەردانیان نەکەن بەوهۆیەی پزیشکانی نیشتەجێ و پلەبەند بایکۆتی دەوامەکانیان کردووە.

 

ئەمڕۆ دووشەممە 11ی ئەیلولی 2023 بەڕێوەبەرایەتیی تەندروستیی قەزای چەمچەماڵ رایگەیاند "هاوڵاتییانی قەزاکەمان ئاگاداردەکەینەوە کە لە ئێستادا و بەهۆی دواکەوتنی مووچەی پزیشکانی نیشتەجێ و پلەبەندەوە، لەناو سەنتەری فریاکەوتنی چەمچەماڵ بایکۆتی دەوامکردن کراوە و ناچنەوە سەر کارەکانیان".

 

باسی لەوەشکردووە "لە سەرجەم ناوەندە تەندروستییەکانی سنووری بەڕێوەبەرایەتییەکەمان بایکۆتی دەوامکردن دەستی پێکردووە و داواش لە هاوڵاتییان دەکەین کە لەکاتی زۆر پێویستدا نەبێت سەردانی نەخۆشخانەکەمان نەکەن".

 

ئەمەش لەکاتێکدایە، نزیکەی سێ رۆژە لە سنووری سلێمانی و هەڵەبجە و ئیدارەی گەرمیان، فەرمانبەران و مامۆستایان و کارمەندانی تەندروستیی بایکۆتی دەوامیان راگەیاندووە و هۆکاری سەرەکیش نەدانی مووچەکانیانە لەکاتی خۆیدا.

ر.ع