مەودا میدیا - 

 

بەڕێوەبەرایەتیی پاسپۆرتی سلێمانی ئاگاداری ئەو هاوڵاتییانە دەکاتەوە کە سەرەی ئەلیکترۆنییان هەیە و داواشیان لێدەکات کە پێش کاتژمێر سێی دوانیوەڕۆ لە بەڕێوەبەرایەتییەکەیان ئامادەبن.

 

ئەمڕۆ سێشەممە 12ی ئەیلولی 2023 بەڕێوەبەرایەتیی پاسپۆرتی سلێمانی راگەیەندراوێکی بڵاوکردەوە کە تێیدا هاتووە "ئاگاداری ئەو هاوڵاتییانە دەکەینەوە کە سەرەی ئەلیکترۆنییان هەیە و کاتی سەرەگرتنەکەیان لەنێوان کاتژمێر سێ بۆ پێنجی دوای نیوەڕۆیە، پێویستە لە پێش وادەی خۆیان ئامادەبن و سەردانی بەڕێوەبەرایەتییەکەمان بکەن ".

 

پاسپۆرتی سلێمانی ئاماژەی بەوەش کردووە "دەبێت هاوڵاتییان پابەندبن بەو وادەیەی کە بۆیان دانراوە تاوەکە لە هەمان رۆژدا مامەڵەی پاسپۆرتەکانیان بۆ تەواو بکرێت و وەریبگرنەوە".

ر.ع