مەودا میدیا-

لە نەخۆشخانەی هیوا تایبەت بە تووشبووانی نەخۆشییە درێژخایەنەكان تەنها لە یەك رۆژدا 20 نەخۆشی نوێ تۆماركراون و زیاتر لە 750 نەخۆشیش سەردانی نەخۆشخانەكەیان كردووە.

بەپێی دوائاماری نەخۆشخانەی هیوا، ئەمڕۆ چوارشەممە 13ی ئەیلوولی 2023 
20 نەخۆشی نوێ تۆماركراوە لە گەورەساڵان و منداڵان، 752 نەخۆشیش سەردانی نەخۆشخانەی هیوایان كردووە.

هاوكات ‏‎200 نەخۆش چارەسەری كیمیاییان وەرگرتووە 100 نەخۆشیش لە بەشی فریاكەوتنی خێرا داغڵبوون، لەقاوشە جۆراوجۆرەكانی نەخۆشخانەكەدا 75 نەخۆش  داغڵكراون.

ئەو ئامارە لەكاتێكدایە، ئەمڕۆ بەشێكی زۆر لە ناوەندەكانی تەندروستی بایكۆتیان راگەیاند بەهۆی نەبوونی مووچە بۆ نزیكەی سێ مانگ و ئاماژەیان بەوەكردووە "تەنها لە بەشەكانی فریاگوزاریی خێرا، یان دۆخی لەناكاو و گەرم كارەكانیان ئەنجامدەدەن".

ژ.ع