مەودا میدیا - 

 

قایمقامییەتی قەزای ناوەندیی هەولێر رایدەگەیەنێت بەهۆی فرۆشتنی بەنزینی کوالێتی نزمەوە لیژنەکانمان توانیویانە نۆ بەنزینخانە دابخەن و سزاش بدرێن.

 

ئەمڕۆ پێنجشەممە 14ی ئەیلول 2023 قایمقامییەتی قەزای ناوەندیی هەولێر رایگەیاند "له‌درێژه‌ی به‌دواداچوون و چاودێریكردنی لێژنه‌كان و به‌هۆی فرۆشتنی به‌نزینی كوالێتی خراپ و پابه‌ند نه‌بوونیان به‌ڕێنماییه‌كانەوە، نۆ بەنزینخانە له‌شاری هه‌ولێر داخران و سزادران".

 

باسی لەوەشکردووە "سزادانی ئەو نۆ وێستگەی بەنزینە لەمیانەی سەردانکردنی 60 وێستگەی دیکەدابووە کە لە ماوەی شەش رۆژدا تیمەکانمان بەسەریان کردووەتەوە و پشکنینیان بۆ کردووە".

 

ناوی‌ ئه‌و به‌نزینخانانه‌یه‌ كه‌ سزادراون:

 

-وێستگه‌ی ماردین

- وێستگه‌ی ئه‌وڕۆ

-وێستگه‌ی رێگا

-وێستگه‌ی هاونیشتیمان

-وێستگه‌ی تاج

-وێستگه‌ی راستی 1

-وێستگه‌ی فیڕاری

-وێستگه‌ی زریان

-وێستگه‌ی پێشمه‌رگه‌

ر.ع