مەودا

مەفرەزەكانی پۆلیسی‌ فریاكه‌وتنی‌ دوكان تۆمەتبارێكیان بە هۆکاری تەقە کردن دەستگیركرد و دەستیشگیرا بەسەر چەكێك لە جۆری كڵاشینكۆف.

ئەمرۆ یەکشەممە 17ی ئەیلولی 2023 بەرێوەبەرایەتیی پۆلیسی سلێمانی رایگەیاند "دوای ئەوەی لەناو سه‌یرانگەی دوكان دەنگی تەقە بیسترا، ده‌ستبه‌جێ مەفرەزەكانی پۆلیسی‌ فریاكه‌وتنی‌ دوكان بەدەم دەنگی تەقەكەوە چوون‌ و توانرا تۆمەتبارەکە بدۆزرێتەوە و دەستگیربكرێت، لەكاتی دەستگیركردنیدا دەستیشگیرا بەسەر چەكێكی جۆری كڵاشینكۆف كە تۆمەتبار تەقەی پێكردبوو".

ئاماژەی بەوەشکراوە "لەئێستادا تۆمەتبار (ن، د، م) بە بڕیاری دادوەر لێكۆڵینەوە لەگەڵیدا بەردەوامە و به‌پێی ماده‌ی‌ 21ی‌ چه‌ك راگیراوه‌".

س.ر