مەودا میدیا - 

 

ئاژانسی هەواڵی رۆیتەرز رایدەگەیەنێت بەپێی ئەو زانیارییانەی لە زاری سەرچاوەیەکی ئەمنییەوە پێیان گەیشتووە، هێرشەکەی سەر فڕۆکەخانەی عەربەت لەلایەن فڕۆکەی بێفڕۆکەوانی تورکیاوە ئەنجامدراوە.

 

ئەمڕۆ سێشەممە 19ی ئەیلولی 2023، ئاژانسی هەواڵی رۆیتەرز رایگەیاند "دوو ئەفسەری دەزگای هەواڵگریی عیراق ئاماژەیان داوە بەوەی کە بەغدا تیمێکی هاوبەش رەوانەی سلێمانی دەکات تاوەکو لێکۆڵینەوەی تەواوەتی بکەن لە هێرشەکەی سەر فڕۆکەخانەی عەربەت".

 

سەرچاوە ئەمنییەکە ئاماژەی بەوەشکردووە "بەپێی زانیارییە سەرەتاییەکان هێرشەکەی سەر فڕۆکەخانەی عەربەت لەلایەن فڕۆکەی بێفڕۆکەوانی تورکیاوە ئەنجامدراوە".

 

 

لەهەمان کاتدا، وتەبێژی دەزگای هەواڵگریی عیراق رایگەیاند "فڕۆکە بێفڕۆکەوانەکان لە رێگەی سنووری تورکیاوە هاتوونەتە ناو سنووری ئاسمانیی عیراقەوە".

ر.ع