کوردستانی

سێ تۆمەتباری "مەترسیدار" دەستگیردەكرێن

مەودا میدیا - سلێمانی |


سێ تۆمەتباری "مەترسیدار" دەستگیردەكرێن
مەودا میدیا-

لە هەماهەنگییەكدا، بەڕێوەبەرایەتییەكانی ئاسایشی هەولێر و كەركوك دەڵێن "سێ تۆمەتباری مەترسیدارمان دەستگیركردووە".
 
ئەمڕۆ سێشەممە 19ی ئەیلوولی 2023 لە راگەیەندراوێكدا، بەڕێوەبەرایەتیی نەهێشتنی مادە هۆشبەرەكان دەستبەسەرداگرتنی بڕی یەک کیلۆگرام مادەی هۆشبەری راگەیاند و سێ تۆمەتباریش دەستگیركران.

"لە رێکەوتی 19ی ئەیلوولی 2023 دوای وەرگرتنی فەرمانی دادوەری ئاسایش لەسەر تۆڕێکی بازرگانیکردن بە مادەی هۆشبەر، تیمێکی بەڕێوەبەرایەتیمان بەهاوکاریی بەڕێوەبەرایەتی ئاسایشی هەولێر و کەرکوک توانیان سێ تۆمەتباری مەترسیدار لە شاری هەولێر دەستگیربکەن" ئەوە لە راگەیەندراوەكەی بەرێوەبەرایەتیی نەهێشتنی مادە هۆشبەرەكان هاتووە.

ئاماژە بەوەشكراوە، ئەو تۆڕە پێشینەی تاوانیان هەیە و کاری کڕین و فرۆشتن بە مادەی هۆشبەریشەوە دەکەن، لەو چالاکییەدا بڕی یەک کیلۆگرام مادەی هۆشبەر لە جۆرەکانی کریستاڵ و تریاک و جامایکا لەگەڵ بڕێک پارەی ساختە و ژمارەی ئۆتۆمۆبیلی ساختە لەگەڵ رومانەیەک و چەند چەکێکی جۆراوجۆر دەستیانبەسەردا گیراوە.

ئەوەش هاتووە، تۆمەتباران پەڕاوی لێکۆڵینەوەیان بۆ کراوەتەوە و رووبەڕووی یاسا دەکرێنەوە.

ژ.ع
Qaiwan
Qaiwan

زۆرترین خوێندنەوە

بیروڕا


News

خاڵە بەهێز و لاوازەکانی ژنان لە شوێنی کاردا

لەلایەن نەرمین عوسمان


News

شەهید لەیلا قاسم؛ بووكی كوردستان

لەلایەن زوڵفان غەریب


News

نەسرین قاسملۆ؛ تەوارێکی کوردپەروەر

لەلایەن زوڵفان غەریب