مەودا میدیا - 

 

سەرۆکایەتیی شارەوانیی سلێمانی رایگەیاند تیمەکانی تایبەت بە شارەوانیی بەردەوامن لە لابردنی زیادەڕەوییەکانی نێو بازاڕ و جوانترکردنی سیمای شار.

 

ئەمڕۆ پێنجشەممە 21ی ئەیلولی 2023 سەرۆکایەتیی شارەوانیی سلێمانی رایگەیاند "تیمەکانی ناوبازاڕمان لە بەشی لابردنی سەرپێچی و زیادەڕەویی هۆبەی ناوبازاڕ هەڵمەتی رێکخستنەوەیان دەستپێکردووە، بەمەبەستی رێگرییکردن لە زیادەڕەویی بۆ سەر شۆستە و شەقامەکان".

 

باسی لەوەشکردووە "ئەم کارەش بەهۆی کاری هەندێک لە دوکاندار و فرۆشیارانی دەستگێڕەوەیە کە سەرپێچیی رێنماییەکانی شارەوانیی سلێمانی دەکەن و ئاستەنگ بۆ هاتوچی هاوڵاتییان دروستدەکەن".

 

لەبارەی شوێنی هەڵمەتەکەشەوە روونی کردووەتەوە "لە شەقامی کاک ئەحمەدی شێخ و مەزادخانەی سەرەوە دەستمان پێکردووە و کاسبکارانیش لە جێبەجێکردنی رێنماییەکانی شارەوانیی لەپێناو رەخساندنی ژینگەیەکی تەندروست ئاگادارکرانەوە".

ر.ع