مەودا میدیا-سازگار ئەحمەد

کرێکارێکی بەرەگەز عەرەب لە شاری هەڵەبجە بەهۆی کارەباوە گیانی لەدەستدا.

لەو بارەیەوە کەمال ئەحمەد، لێپرسراوی بەشی راگەیاندنی شەهید رەئوف بەگ بە مەودا میدیای راگەیاند "کەمێک پێش ئێستا کرێکارێک هێنرایە نەخۆشخانەکەمان کە بەهۆی کارەباوە لە بازاڕی هەڵەبجەییەکان گیانی لەدەستداوە".

ئاماژەی بەوەشکرد "ئەو کرێکارە لەکاتی گۆڕینی تەلی کارەبا گیانی لەدەستداوە بەهۆی ئەوەی کارەبا گرتوویەتی".

کەمال ئەحمەد وتیشی "کرێکارەکە بەرەگەز عەرەبە و ناوی (عەلی عەواد عەلی)یە تەمەنی 31 ساڵە و خەڵکی شاری موسڵە".