مەودا میدیا-

لەمیانی كاركردن لە پرۆژەی ئاوی تەق تەق، كارمەندێكی پرۆژەكە كەوتە ئاوی زێی بچووك و گیانی سپارد.

بەیانیی ئەمڕۆ سێشەممە 10ی تشرینی یەكەمی 2023، هاوڵاتییەکی ناحیەی  تەق تەق كە لە هەمانكاتدا كارمەندی پرۆژەی ئاوی تەق تەقە، لە کاتی کارکردن لە پرۆژەكە دەکەوێتە زێی بچووک و گیان لەدەستدەدات.

هاوڵاتییەكە ناوی مەحموود سادق، تەمەن 57 ساڵە و تەرمەکەی لەئێستادا رەوانەی نەخۆشخانەی گشتیی تەق تەق کراوە.

بەپێی زانیارییەكانی مەودا میدیا، ئەو هاوڵاتییەی خنکاوە خەڵکی ناحیەی  سێگردکانە، لەكاتی پاكژكردنەوەی پرۆژەی ئاوی تەق تەق كەوتووەتە ناو ئاوی زێی بچووك، بەهۆی ئەوەی مەلەی نەزانیوە خنكاوە و پاش ماوەیەكی كەم توانراوە تەرمەكەی دەربهێندرێتەوە.

ژ.ع