مەودا میدیا- سازگار ئەحمەد

شەوی رابردوو بەهۆی دروستبوونی شەڕ و دەمەقاڵێ لەنێوان دوو هاوسەر لە گەڕەکی سێتاقانی شاری هەولێر ژنەکە لەلایەن مێردەکەیەوە کوژرا.

سەرچاوەیەکی ئاگادار لە رووداوەکە بە مەودا میدیای راگەیاند "شەوی رابردوو دەوروبەری کاتژمێر 11:00ی شەو لە گەڕەکی سێتاقانی شاری هەولێر بەهۆی دروستبوونی شەڕ و دەمەقاڵێوە ژنێک لەلایەن هاوسەرەکەیەوە کوژرا".

ئەو سەرچاوەیە ئاماژەی بەوەشکرد "پیاوەکە بە چوار فیشەک ژنەکەی کوشتووە، دوای ئەنجامدانی تاوانەکە پۆلیس پیاوەکەی دەستگیرکردووە و دەستکراوە بە لێکۆڵینەوە لە رووداوەکە".

زۆربوونی رووداوەکانی کوشتن و خۆکوشتن لە هەرێمی کوردستان بۆ هەبوونی چەکی بێ مۆڵەت و سەروەرنەبوونی یاسا دەگەڕێتەوە لە دادگاکاندا.

س.ر