مه‌ودا میدیا -

ئه‌مڕۆ یه‌كشه‌ممه‌، تراكتۆری هاوڵاتییه‌كی دانیشتوی سنووری پارێزگای دهۆك له‌كاتێكدا كه‌ كاری ده‌كرد، گڕی گرت و سه‌رجه‌می پارچه‌كانی سووتان و پاشان له‌لایه‌ن ئاگركوژێنه‌وه‌وه‌ كۆنترۆڵكرا.

به‌رێوه‌به‌رایه‌تیی به‌رگریی شارستانیی ئاكرێ له‌ راگه‌یه‌ندراوێكدا كه‌ له‌سه‌ر په‌یجی خۆی له‌ تۆڕی كۆمه‌ڵایه‌تیی فه‌یسبوك بڵاویكرده‌وه‌، ئاماژه‌ی به‌ هیچ زیانێكی گیانیی نه‌كردووه‌ له‌و رووداوه‌دا.

به‌رێوه‌به‌رایه‌تیی به‌رگریی شارستانیی ئاكرێ روونیكرده‌وه‌، رووداوی گڕگرتنی تراكتۆره‌كه‌ له‌ گوندی مه‌م و زین سه‌ر به‌ قه‌زای به‌رده‌ڕه‌ش له‌ پارێزگای دهۆك بووه‌ و توانیویانه‌ ئاگره‌كه‌ كۆنترۆڵ بكه‌ن.