مه‌ودا میدیا - 

هاوكات له‌گه‌ڵ ئاماده‌كاریی حكومه‌تی هه‌رێمی كوردستان بۆ ناردنی وه‌فدێكی دارایی بۆ به‌غدا، داوا له‌ حكومه‌ت ده‌كرێت حكومه‌ت به‌رپرسانه‌ كار بكات بۆ چاره‌سه‌ركردنی كێشه‌كانی هاوڵاتیان.

سەلاحەدین محەمەد بەهائەدین، ئەمینداری گشتیی یەكگرتووی ئیسلامیی كوردستان، له‌ چالاكییه‌كی جه‌ماوه‌ریی حزبه‌كه‌یدا په‌یامێكی ئاراسته‌ی حكومه‌تی هه‌رێمی كوردستان كرد و وتی:  بەرپرسانی هەرێمی كوردستان خۆیان لەقەیرانەكان بێ ئاگا دەكەن و ئەو بارودۆخەی كە ئێستا هاوڵاتیانی تێكەوتووە، جێگای هەڵوێستە لەسەركردنی جدیە.

ته‌ئكیدی كرده‌وه‌، پێویستە "حكومەتی كاربەڕێكەری هەرێم" بەرپرسانە كار بكات لەگەڵ حكومەتی فیدڕاڵیی، بۆ دۆزینەوەی ڕێگەچارەیەكی ڕیشەیی بەشێوەیەك كە ناكۆكییە سیاسییەكان كار لە مووچە و بژێویی هاوڵاتیانی هەرێم نەكات.