مه‌ودا میدیا - 

وه‌ك چاوه‌ڕوانده‌كرا وه‌فدی دارایی حكومه‌تی هه‌رێمی كوردستان به‌شێوه‌ی "ئیختیاریی" كه‌مێك پێش ئێستا به‌ره‌و شاری به‌غدا به‌رێكه‌وت، به‌مه‌به‌ستی گفتوگۆكردن له‌باره‌ی كێشه‌ داراییه‌كانی نێوان هه‌ولێر و به‌غدا.

به‌گوێره‌ی لێدوانی پێشه‌وا هه‌ورامانی، وته‌بێژی حكومه‌تی هه‌رێمی كوردستان، مه‌سرور بارزانی، سه‌رۆكی حكومه‌تی هه‌رێمی كوردستان، وه‌فده‌كه‌ی راسپاردووه‌ كه‌ وه‌ڵامی هه‌موو پرسیاره‌كان وه‌ربگرێت له‌ به‌غدا و یه‌ك پرسیاریش بێوه‌ڵام نه‌هێڵێته‌وه‌.

وته‌بێژی حكومه‌تی هه‌رێمی كوردستان ته‌ئكیدی له‌وه‌كرده‌وه‌، سه‌ردانی وه‌فدی دارایی حكومه‌تی هه‌رێمی كوردستان بۆ به‌غدا، سه‌ردانێكی "ئیختیارییه‌" واته‌ (هیچ لایه‌نێك فشاری له‌سه‌ر هه‌رێم دانه‌ناوه‌ تا وه‌فد بۆ به‌غدا  بنێرێت، به‌ڵكو حكومه‌تی هه‌رێم خۆی وه‌ك پێویستییه‌كی دارایی ده‌ینێرێت).