مه‌ودا میدیا - 

پاش نیوه‌ڕۆی ئه‌مڕۆ سێشه‌ممه‌، بوومه‌له‌رزه‌یه‌ك ناوچه‌كانی باشووری ئێرانی هه‌ژاند و كه‌شناسێكی كوردیش له‌ هه‌رێمی كوردستان ده‌ڵێت: پێشبینیه‌كه‌م بۆ روودانی بوومه‌له‌رزه‌ له‌ باشووری ئێران راست ده‌رچوو.

سیروان ساڵح عه‌لی، شاره‌زای جوگرافیا و كه‌شناسیی بۆ مه‌ودا میدیای روونكرده‌وه‌، دوای چەند کاتژمێرێکی کەم هۆشداریی و ئاگاداری بۆ رووداوی بوومه‌له‌رزه‌ له‌ باشووری ئێران 100% پێشبینیه‌كه‌م وەک خۆی هاتەدی. 

ئه‌و شاره‌زایه‌ی كه‌شناسه‌ هۆشدارییدا، هێشتا مەترسیی جدی لەسەر باشووری ئێران و خۆرئاوای ئێران هەیە بۆ روودانی بوومه‌له‌رزه‌. 

پاش نیوه‌ڕۆی ئه‌مڕۆ سێشه‌ممه‌ بوومه‌له‌رزه‌یه‌ك باشووری ئێرانی هه‌ژاند به‌ پله‌ی 5.8 پله‌ی رێخته‌ر و ناوه‌نده‌كانی كه‌شناسیی جیهانیش به‌هه‌مانشێوه‌ هۆشدارییاندا به‌ ئێران له‌باره‌ی روودانی بوومه‌له‌رزه‌ له‌ رۆژانی داهاتوودا.