مه‌ودا میدیا -

ئه‌مڕۆ پێنجشه‌ممه‌ له‌ ئاهه‌نگی ده‌رچوونی خوێندكارانی پۆلیسی (خولی شه‌هید سه‌ركه‌وت ئازاد)ی تایبه‌ت به‌ هه‌ڵكوتانه‌سه‌ر و گه‌مارۆدان و ئازادكردنی بامته‌ له‌ شاری هه‌ولێر، مه‌سرور بارزانی، سه‌رۆكی حكومه‌تی هه‌رێمی كوردستان پێشنیازێكی بۆ هێزه‌ ئه‌منییه‌كان خسته‌ڕوو.
 
مه‌سرور بارزانی، سه‌رۆكی حكومه‌تی هه‌رێمی كوردستان وتی: پێویستە پۆلیس و هێزە ئەمنییەکانمان، خۆیان لەگەڵ پێشکەوتنەکان ڕابهێنن و لە ڕاپەڕاندنی ئەرکەکانیاندا سوودی باش لە تەکنەلۆجیا وەربگرن.

سه‌رۆكی حكومه‌تی هه‌رێمی كوردستان ته‌ئكیدی له‌وه‌كرده‌وه‌، کە بە ته‌كنه‌لۆژیا ئاسانکارییەکی زۆر بۆ دەزگا پەیوەندیدارەکانی ناوخۆ دەکات و یارمەتیدەرێکی باشە بۆ ئەوەی ئامانجەکانیان به‌دیبهێنن.

مه‌سرور بارزانی، سه‌رۆكی حكومه‌تی هه‌رێمی كوردستان ئاشكرایكرد، له‌ئێستادا په‌یوه‌ندییه‌كی باش هه‌یه‌ له‌نێوان خه‌ڵك و ده‌زگا ئه‌منییه‌كاندا و ئه‌وه‌ش كاریگه‌ریی له‌سه‌ر سه‌قامگیریی هه‌بووه‌.