مەودا میدیا-

لە ناحیەی رۆڤیا سەر بە قەزای بەردەڕەش، لەمیانی دزینی قاز باندێك لەلایەن ئاسایشەوە دەستگیركران.

ئەو باندە كە لە دوو كەس پێكهاتوون بەپێی وتەی ئاسایش، قاز دزینیان كردووەتە پیشە و ئێوارەی ئەمڕۆ لە ناوەندی رۆڤیا لەكاتی ئەنجامدانی تاوانەكەیان دەستگیركراون.

بەپێی زانیارییەكان، هەردوو تۆمەتبار لەكاتی دزینی ژمارەیەك قازدا لەلایەن ئاسایشەوە ئاشكرا كراون و لەدەست كارمەندانی ئاسایش هەڵهاتوون، بەڵام سەركەوتوو نەبوون و دەستگیركراون.

پەڕاوی لێكۆڵینەوە بۆ ئەو دوو تۆمەتبارە كراوەتەوە و ئاسایش پێیوایە، بێجگە لە دزینی قاز هەردوو تۆمەتبار دزیی دیكەشیان ئەنجامدابێت.

ژ.ع