مەودا میدیا-

پۆلیسی پارێزگای سلێمانی لە راگەیەندراوێكدا هاوڵاتییان ئاگاداردەكاتەوە، بۆ ماوەی چوار كاتژمێر هێڵی گەرم لەكاردەكەوێت و كۆمەڵێك ژمارەی دیكە لەبری هێڵی گەرم دانراوە وەك جێگرەوە.

لە راگەیەندراوەكەی ئەمشەوی بەڕێوەبەرایەتیی پۆلیسی پارێزگای سلێمانی هاتووە، هاوڵاتییان ئاگادار دەکەینەوە کە بەهۆی بوونی کێشەیەکی تەکنیکییەوە، لە کاتژمێر 12ی ئەمشەوەوە (20-21ی 10ی 2023) هەتا کاتژمێر 4ی بەرەبەیانی سبەی شەممە، هێڵی گەرمی بەشی پۆلیسی فریاکەوتن (104) لەکاردەکەوێت.

ئاماژە بەوەشكراوە، تیمەکانیان لە هەوڵی چاککردنەوەی ئەو كێشەیەدان و داوا لەهاوڵاتییان دەکەن لە کاتی بوونی هەر رووداوێکی نەخوازراودا پەیوەندی بە سێ  ژمارە تەلەفۆنی جێگرەوەی هێڵی گەرم  بکەن.

ئەو سێ ژمارەیە بریتین لە؛ 

-بەشی پۆلیسی نەهێشتنی تاوان ژمارە 105
-سەنتەری ڕێکخەری پەیوەندییەکان (JCC) ژمارە 100
-ئێشکگری بەڕێوەبەرایەتی پۆلیسی پارێزگای سلێمانی ژمارە 0533193148


لە كۆتایی راگەیەندراوەكەدا باس لەوەشكراوە، لە ئێستادا تیمەکانیان سەرقاڵی چارەسەرکردنی کێشە تەکنیکییەکانن و لەکاتی چارەسەرکردنیدا هاوڵاتییان ئاگاداردەكرێنەوە.

ژ.ع