مه‌ودا میدیا -

گه‌رده‌لوولێكی به‌هێز به‌رێوه‌یه‌ به‌ره‌و وڵاتانی عومان و یه‌مه‌ن و ئه‌گه‌ریی هه‌یه‌ لافاو دروستبكات و كه‌شوهه‌وای هه‌رێمی كوردستانیش ده‌گۆڕێت به‌هۆی هاتنی شێیه‌كی زۆر. 

سیروان ساڵح عه‌لی، شاره‌زای كه‌شناسیی و جوگرافیا بۆ مه‌ودا میدیای روونكرده‌وه‌،  گه‌ردەلولی بەهێزی دەریای عەرەب بەناوی تیج له کەنارەکانی هەردوو وڵاتی عومان و یەمەن لە باشووری نیمچەدورگەی عەرەب نزیک دەبێتەوە.
 
ئه‌وه‌شی خشته‌ڕوو، لەئێستادا کاریگەریی کردووه‌تەسەر دورگەی سقطری له‌ یەمەن و ئەگەری لافاوی بەهێز و بای توند هەیە لەو ناوچانه‌دا هه‌یه‌.

سیروان ساڵح عه‌لی، شاره‌زای كه‌شناسیی و جوگرافیا وتی:"دوای ئەم لافاو بەهێزه بەهۆی هاتنی شێیەکی زۆر  کەشوهەوای عیراق و هەرێمی کوردستان و وڵاتانی دەوروبەری دەگۆڕێت و شەپۆلەکانی دەریای سوور و دەریای ناوەڕاست دەستپێدەکەن".