مەودا میدیا-

ئەمڕۆ دووشەممە لە گەڕەکی ئەندازیارانی شاری سلێمانی کرێکارێک لەکاتی کارکردندا لە نهۆمی چواری بینایەک کەوتەخوارەوە و گیانی لەدەستدا.

عوسمان زیندانی، سەرۆکی سەندیكای بیناسازیی سلێمانی رایگەیاند "ئەمڕۆ دووشەممە 23ی تشرینی یەکەمی 2023 لەکاتی سەرخستنی کەلوپەلی ناوماڵ لە گەڕەکی ئەندازیارانی شاری سلێمانی لە نهۆمی چوارەمی بینایەک کەوتەخوارەوە و گیانی لەدەستدا".

ئاماژەی بەوەشکرد "کرێکارەکە ناوی (سەردار محەمەد قادر)ە و لەدایکبووی ساڵی 1966ە  و خێزاندارە، سەندیكای بیناسازی سلێمانی بەردەوامە لە بەدواداچوون بۆ لێکۆڵینەوە لە رووداوەکە".

س،ر