مەودا میدیا-

تەندروستیی چەمچەماڵ رایگەیاند، چوار كەس لە سنوورەكە لە ئەنجامی رووداوێكی هاتوچۆ برینداربوون.

کەمێک پێش ئێستا لەسەر رێگەی چەمچەماڵ - سەنگاو، رووداوێكی هاتوچۆ روویداوە بەپێی راگەیەندراوی بەڕێوەبەرایەتیی گشتیی تەندروستیی چەمچەماڵ، لە ئەنجامدا چوار كەس برینداربوون.

ئاماژە بەوەشكراوە، دەستبەجێ تیمی فریاکەوتنی خێرا 122 ی بەڕێوەبەرایەتییەكەیان بەمەبەستی چارەسەری بەپەلە و گواستنەوەی بریندارەکان بۆ سەنتەری فریاکەوتنی چەمچەماڵ گەیشتوونەتە شوێنی رووداوەکە.

سەرچاوەیەكی هەواڵ لە چەمچەماڵ بە مەودا میدیای راگەیاند؛ دۆخی بریندارەكان جێگیرە و سەرجەمیان نەخۆشخانەیان بەجێهێشتووە، بەپێی زانیارییەكانیش بریندارەكان دانیشتووی رانیە-ن.
ژ.ع