مه‌ودا میدیا -

پاش كۆبوونه‌وه‌ی به‌یانی ئه‌مڕۆ سێشه‌ممه‌ له‌ پیرمام،  پارتی دیموكراتی كوردستان و بزووتنه‌وه‌ی گۆڕان راگه‌یه‌ندراوێكیان بڵاوكرده‌وه‌ كه‌ چه‌ند ته‌وه‌رێكی له‌خۆگرتووه‌. 

به‌گوێره‌ی راگه‌یه‌ندراوه‌كه‌، هەردوولا کۆکبوون له‌سه‌ر ئه‌وه‌ی هەموو هێز و تواناکان بۆ پاراستنی قەوارەی هەرێمی کوردستان و دانانی ستراتیژیەتی هاوبەشی نیشتمانیی هێز و لایەنە سیاسییەکان بۆ هەڵگرتنی بەرپرسیارییەتی قۆناغەکە كۆبكه‌نه‌وه‌. 

پارتی و گۆڕان ته‌ئكیدیان له‌ پاڵپشتیکردنی حکومەتی هەرێمی کوردستان بۆ هەنگاوەکانی لەگەڵ حکومەتی فیدراڵ  كردووه‌ته‌وه‌، لەپێناو دابینکردنی مافە دەستورییەکانی هەرێم و شایستە داراییەکان، لەناویاندا مووچەی مووچەخۆران و باشترکردنی بژێویی ژیان و گوزەرانی هاوڵاتیانی کوردستان.