مەودا میدیا-

بە پێی راگەیەندراوی پۆلیسی سلێمانی "هاوسەری ئەو ژنەی لەگەڕەكی قولەرەیسی لەشاری سلێمانی تەقەی لێكراو گیانی لەدەستدا خۆی ڕادەستی هێزەكانی پۆلیس كرد".

پۆلیسی سلێمانی رایگەیاند "رۆژی 26-10-2019، لەگەڕەكی قولەرەیسی لەشاری سلێمانی هاوڵاتی (ن، ع، س) لەدایكبوی 1986، ڕەگەز مێ‌، لەگەڕەكی قولەرەیسی لەشاری سلێمانی تەقەی لێكراو تۆمەتبار هەڵات، دوای گەیشتنی هێزەكانی پۆلیس و تیمەفریاگوزارییەكان هاوڵاتییەكە بەبرینداری گەیەندرایە نەخۆشخانەو دوای ڕۆژێك مانەوەی گیانی لەدەستدا".

لە راگەیەندراوەکەدا هاتووە "كەشف و هێڵكاریی بۆ شوێنی رووداوەكە كردوو لێكۆڵینەوەكانی دەستپێكردوو سەرجەم بەش و بنكەكانی سەر بەبەڕێوەبەرایەتی پۆلیسی سلێمانی و سەرجەم بازگەكان ئاگاداركرانەوە لەرووداوەكە، رۆژی 11-12-2019 (ه، ع، س) لەدایكبوی 1983 كە هاوسەری ژنە كوژراوەكەیە خۆی ڕادەستی هێزەكانی پۆلیسی سلێمانی كرد".

ئاماژە بەوەشکراوە، لە لەلایەن بنكەی پۆلیسی ڕاپەڕینەوە پەڕاوی لێكۆڵینەوە بۆ ڕوداوەكە كراوەتەوەو لێكۆڵینەوەكان بەردەوامە.