مه‌ودا میدیا - 

به‌یانی ئه‌مڕۆ سێشه‌ممه‌ له‌ سنوری پارێزگای دهۆك مامۆستایه‌ك گیانی له‌ده‌ستدا و ئێواره‌كه‌شی له‌ سنوری قه‌زای شاره‌زوور مامۆستایه‌كی تر گیانی له‌ده‌ستدا. 

مامۆستا ساڵج سلێمان، مامۆستای زمانی عه‌ره‌بیی بووه‌ له‌ قوتابخانه‌ی پێشڕه‌و سه‌ر به‌ په‌روه‌رده‌ی رۆژهه‌ڵات له‌ پارێزگای دهۆك، پاش ته‌واوبوونی ئه‌رك و وانه‌وتنه‌وه‌، له‌كاتی نوێژكردندا به‌ جه‌ڵته‌ی دڵ گیانی له‌ده‌ستداوه‌.

زانا محەمەد کەریم قادر، ئێواره‌ی ئه‌مڕۆ سێشه‌ممه‌ بەهۆی بەرکەوتنی تەزوی کارەباوە لە گوندی ئالانی سەر بە قەزای شارەزوور گیانی لەدەستدا، ئه‌وه‌ش له‌كاتێكدایه‌ ماوه‌ی 11 رۆژ له‌مه‌وبه‌ر و له‌ 2023/10/13 باوكی مامۆستا زانا، به‌ناوی محەمەد کەریم قادر گڵاڵی، کۆچی دواییکرد.