مەودا میدیا-

ئێوارەی ئەمڕۆ بە بەشداری زانایان و ژمارەیەکی زۆر لە ھاوڵاتییان لە مەراسیمێکی تایبەتدا مزگەوتی گەورەی سەرچنار کرایەوە، پاش نۆژەنکردنەوەی لە لایەن مەریوان حاجی جەمالەوە.

لەو بارەیەوە مامۆستا هۆشیار جافەرانی رایگەیاند: بە سوپاسەوە ئێمە لەگەڵ كاك مەریوان حاجی جەمال گفتوگۆمانكرد و ئەرزێكمان بۆ دابینكرد و مزگەوتێكی خنجیلە و جوان و تەواو كوالێتی بەرزی بۆ دروستكردین و ئێوارەی ئەمڕۆ كردمانەوە.

مێژووی ئەم مزگەوتە دەگەڕێتەوە بۆ نزیكەی 100 ساڵ بەر لە ئێستا، پاش نۆژەنکردنەوەی لە دوو نهۆم پێكهاتووە و بە شێوازێكی زۆر مۆدێرن دروستكراوەتەوە، وەزارەتی ئەوقافیش هاوكاری نۆژەنکردنەوەی ئەم مزگەوتە بوون و ئەمڕۆش نانی هەزار كەس لە مەراسیمی کردنەوەی ئەم مزگەوتە دابینکرا.