کوردستانی
حكومەتی هەرێم: ئیتر ئەركی بەغدایە مووچەی مووچەخۆران لە كاتی خۆیدا بنێرێت
مەودا میدیا - سلێمانی |
مەودا میدیا-
ئەنجومەنی وەزیرانی هەرێمی كوردستان دوای كۆبوونەوەی لە راگەیەندراوێكدا بڵاویكردەوە، ئیتر ئەرکی حكومەتی فیدراڵ و بە تایبەتی وەزارەتی داراییە، هاوشێوەی ناوچەکانی دیکەی عێراق مووچەی مووچەخۆرانی هەرێمیش لە کاتی خۆی بنێرێت کە شایستەی یاسایی مووچەخۆرانە.
ئەمڕۆ چوارشەممە 10ی تشرینی یەكەمی 2023، بە سەرپەرشتیی مەسرور بارزانی، سەرۆك وەزیران و قوباد تاڵەبانی جێگری سەرۆک وەزیرانی هەرێمی كوردستان، ئەنجومەنی وەزیران کۆبووەوە و تێیدا پرسی شایستە داراییەكانی هەرێم لە چوارچێوی عیراق تاوتوێكرا.
لە کۆبوونەوەکەدا، ئاماژە بەوەكراوە، لە کۆبوونەوەکەی لیژنەی دارایی ئەنجومەنی نوێنەران، شاندی هەرێم بە راپۆرتێکی 30 لاپەڕەیی و بە ژمارە و داتای دروست، وەڵامی سەرجەم پرسیارەکانی تایبەت بە بودجەی هەرێمى داوەتەوە لەبارەی داهات وخەرجییەکان و نەوت و دەروازە سنووريیەکان و پرۆسەی وردبینی هاوبەشی هەردوو دیوانی چاودێریی دارایی فیدڕاڵی و هەرێم و میلاکی گشتی و مووچە.
ئەنجومەنی وەزیران، وەزارەتی دارایی و ئابووری و شاندی دانوستانکاری راسپاردووە کە لە پەیوەندی بەردەوامدا بن لەگەڵ بەغدا بۆ بەرجەستەکردنی ئەو بنەمایانەی کە لە کۆبوونەوەی 10/18ی لیژنە دارایی هەموولایەک لەسەری کۆک بوون، بەتایبەتیش جیاکردنەوەی تەرخانکراوەکانی مووچەی هەرێم لە پێوەری خەرجیى راستەقینە، هاوشێوەی ناوچەکانی دیکەی عیراقی فیدڕاڵ و هەموارکردنەوەی مادەکانی پەیوەندیدار بەم بابەتە لە یاسای بودجە، بەپێی راگەیەندراوەكە.
ئەنجومەنی وەزیران لەوبارەیەوە دەڵێت، وێرای ئەوەی پشتیوانیی لە پرۆسەی وردبینیی هاوبەشی هەردوو دیوانی چاودێریى دارایی دەکات، بە ئاراستەی خستنەڕووی ڕاستیيەکان و دڵنیاکردنەوەی هەموو لایەک کە هەرێمی کوردستان، هەروەک هەمیشە شەفافانە، هەموو زانیاری و ژمارەکان دەخاتەڕوو و هیچی نیە بیشارێتەوە، ئەم پرۆسەیەش هەر لەو پێناوەدایە کە هەموو لایەک لە راست و دروستیی داتا و زانیاریی و ژمارەکان دڵنیاببنەوە و هیچ بیانوویەک بۆ حکومەتی فیدراڵ نەهێڵرێتەوە کە بەربەست دروستبکەن لە خەرجکردنی شایستە داراییەکانی هەرێم.
هاوكات سەرجەم لایەنە پەیوەندیدارەكان راسپێردراون، بەردەوامبن لە هەماهەنگیی و هاوکاریی دیوانی چاودێریی دارایی و کارئاسانی بۆ دەستە هاوبەشەکانی وردبینیان و وەرگرتنی رێکاری پێویست بۆ تێبینیی و سەرنجی تەکنیکی ژمێریاریی و دارایی هەتا هیچ بیانوویەک بۆ وەزارەتی دارایی فیدڕاڵ نەهێڵرێتەوە.
"بە تایبەتیش لە دوای ئەو راپۆرتە هاوبەشەی هەردوو دیوانی چاودێریی فیدڕاڵی و هەرێم ، ئێستا ژمارەی مووچەخۆران و بڕی مووچەکانیان لە دوای وردبینی پشتڕاستکراونەتەوە، ئیتر ئەرکی حكومەتی فیدراڵ و بە تایبەتی وەزارەتی داراییە، هاوشێوەی ناوچەکانی دیکەی عیراق مووچەی مووچەخۆرانی هەرێمیش لە کاتی خۆی بنێرێت کە شایستەی یاسایی مووچەخۆرانە"، وەك لە ناوەڕۆكی راگەیەندراوەكە هاتووە.
ژ.ع
ئەنجومەنی وەزیرانی هەرێمی كوردستان دوای كۆبوونەوەی لە راگەیەندراوێكدا بڵاویكردەوە، ئیتر ئەرکی حكومەتی فیدراڵ و بە تایبەتی وەزارەتی داراییە، هاوشێوەی ناوچەکانی دیکەی عێراق مووچەی مووچەخۆرانی هەرێمیش لە کاتی خۆی بنێرێت کە شایستەی یاسایی مووچەخۆرانە.
ئەمڕۆ چوارشەممە 10ی تشرینی یەكەمی 2023، بە سەرپەرشتیی مەسرور بارزانی، سەرۆك وەزیران و قوباد تاڵەبانی جێگری سەرۆک وەزیرانی هەرێمی كوردستان، ئەنجومەنی وەزیران کۆبووەوە و تێیدا پرسی شایستە داراییەكانی هەرێم لە چوارچێوی عیراق تاوتوێكرا.
لە کۆبوونەوەکەدا، ئاماژە بەوەكراوە، لە کۆبوونەوەکەی لیژنەی دارایی ئەنجومەنی نوێنەران، شاندی هەرێم بە راپۆرتێکی 30 لاپەڕەیی و بە ژمارە و داتای دروست، وەڵامی سەرجەم پرسیارەکانی تایبەت بە بودجەی هەرێمى داوەتەوە لەبارەی داهات وخەرجییەکان و نەوت و دەروازە سنووريیەکان و پرۆسەی وردبینی هاوبەشی هەردوو دیوانی چاودێریی دارایی فیدڕاڵی و هەرێم و میلاکی گشتی و مووچە.
ئەنجومەنی وەزیران، وەزارەتی دارایی و ئابووری و شاندی دانوستانکاری راسپاردووە کە لە پەیوەندی بەردەوامدا بن لەگەڵ بەغدا بۆ بەرجەستەکردنی ئەو بنەمایانەی کە لە کۆبوونەوەی 10/18ی لیژنە دارایی هەموولایەک لەسەری کۆک بوون، بەتایبەتیش جیاکردنەوەی تەرخانکراوەکانی مووچەی هەرێم لە پێوەری خەرجیى راستەقینە، هاوشێوەی ناوچەکانی دیکەی عیراقی فیدڕاڵ و هەموارکردنەوەی مادەکانی پەیوەندیدار بەم بابەتە لە یاسای بودجە، بەپێی راگەیەندراوەكە.
ئەنجومەنی وەزیران لەوبارەیەوە دەڵێت، وێرای ئەوەی پشتیوانیی لە پرۆسەی وردبینیی هاوبەشی هەردوو دیوانی چاودێریى دارایی دەکات، بە ئاراستەی خستنەڕووی ڕاستیيەکان و دڵنیاکردنەوەی هەموو لایەک کە هەرێمی کوردستان، هەروەک هەمیشە شەفافانە، هەموو زانیاری و ژمارەکان دەخاتەڕوو و هیچی نیە بیشارێتەوە، ئەم پرۆسەیەش هەر لەو پێناوەدایە کە هەموو لایەک لە راست و دروستیی داتا و زانیاریی و ژمارەکان دڵنیاببنەوە و هیچ بیانوویەک بۆ حکومەتی فیدراڵ نەهێڵرێتەوە کە بەربەست دروستبکەن لە خەرجکردنی شایستە داراییەکانی هەرێم.
هاوكات سەرجەم لایەنە پەیوەندیدارەكان راسپێردراون، بەردەوامبن لە هەماهەنگیی و هاوکاریی دیوانی چاودێریی دارایی و کارئاسانی بۆ دەستە هاوبەشەکانی وردبینیان و وەرگرتنی رێکاری پێویست بۆ تێبینیی و سەرنجی تەکنیکی ژمێریاریی و دارایی هەتا هیچ بیانوویەک بۆ وەزارەتی دارایی فیدڕاڵ نەهێڵرێتەوە.
"بە تایبەتیش لە دوای ئەو راپۆرتە هاوبەشەی هەردوو دیوانی چاودێریی فیدڕاڵی و هەرێم ، ئێستا ژمارەی مووچەخۆران و بڕی مووچەکانیان لە دوای وردبینی پشتڕاستکراونەتەوە، ئیتر ئەرکی حكومەتی فیدراڵ و بە تایبەتی وەزارەتی داراییە، هاوشێوەی ناوچەکانی دیکەی عیراق مووچەی مووچەخۆرانی هەرێمیش لە کاتی خۆی بنێرێت کە شایستەی یاسایی مووچەخۆرانە"، وەك لە ناوەڕۆكی راگەیەندراوەكە هاتووە.
ژ.ع
بیروڕا
