مەودا میدیا- سازگار ئەحمەد

بەڕێوەبەرایەتیی هاتوچۆی هەولێر شۆفێران ئاگاداردەکاتەوە لەوەی کە لە ئەمڕۆوە کامێراکانی تۆمارکردنی تیژڕەویی خاڵ بۆ خاڵ لە شەقامی 150 مەتری بەشێوەی ئەزموونی دەکەونەکار.

فازڵ حاجی، وتەبێژی هاتوچۆی هەولێر بە مەودا میدیای راگەیاند "سەرجەم هاوڵاتییان و شوفێران ئاگاداردەکەینەوە کەوا بە مەبەستی بەرزکردنەوەی ئاستی سەلامەتی لەسەر رێگەوبانەکان و پابەندکردنی شوفێران بەڕۆیشتن بەخێرایی دیاریکراو لەسەر شەقام و رێگەوبانەکا لە ئەمڕۆ 2023/10/26 تاوەکو 2023/11/2 کاتژمێر 12ی شەو، سەرجەم کامێرا خاڵ بۆ خاڵەکانی چاودێری خێرایی لەسەر شەقامی 150مەتری خێرا بەکاردەخرێت وەکو تاقیکردنەوە".

ئاماژە بەوەشکرد "لەدوای ئەوکاتە دەستدەکەن بە تۆمارکردنی سەرپێچی تیژڕۆیی، بۆیە تکایە ئاگاداربن بۆپاراستنی خۆتان و ئازیزانتان و سەروماڵتان، پابەندی رۆیشتن بن بەو خێراییەی کەبەهێماکانی هاتوچۆ دیاریکراوە".

س،ر