مه‌ودا میدیا - 

هاوكات له‌گه‌ڵ چاوه‌ڕوانییه‌كان به‌گشتیی و به‌تایبه‌ت له‌لایه‌ن جوتیارانه‌وه‌ بۆ ده‌ستپێكی وه‌رزی زستان و بارینی باران، شاره‌زایه‌كی بواری كه‌شناسیی رایگه‌یاند، شه‌پۆلێكی بارانبارین دروستبووه‌. 

پشتیوان ئیبراهیم، شاره‌زای كه‌شناسیی بۆ مه‌ودا میدیای روونكرده‌وه‌، بەهۆی جێگیربوونی بەرزەپەستان لەسەر ناوچەکانی هه‌رێمی كوردستان لە ڕۆژی شەممە 28/10/2023 پلەی گەرما دەست بەبه‌رزبوونەوە دەکات لە سەرجەم ناوچەکان و بۆماوەی یەک هەفتە بەردەوام دەبێت .

ئه‌و شاره‌زایه‌ی بواری كه‌شناسیی وتی:"به‌رزبوونه‌وه‌ی پله‌ی گه‌رما بەجۆرێک لە سەنتەری شارەکان لە 28 پلە بۆ 31 پلەی سەدی بەرزدەبێتەوە، لە سنوری ئیدارەی گەرمیان و کەرکوک لە 30 پلە بۆ 32 پلەی سەدی بەرزدەبێتەوە، لەو ماوەدا ئاسمان لە نێوان خۆر و هەور و هەندێك کات پەڵە هەور دەبێت و خێرایی با لە نێوان 20کلم بۆ 30 کلم دەبێت و لە کاتژمێرێکدا و بەپێی کات و شوێن گۆڕانکاریی روودەدات". 

پشتیوان ئیبراهیم، شاره‌زای كه‌شناسیی پێشبینیی كرد، ئەگەر هیچ گۆڕانکاریەک روونەدات، شەپۆلێکی بارانبارین دروستبووە لە کاتی نزیکبوونەوەی زانیاریی بڵاوده‌كه‌نه‌وه‌.