مه‌ودا میدیا - 

بڕیاره‌ له‌ سبه‌ینێ شه‌ممه‌وه‌ پله‌ی گه‌رما له‌ شاره‌كانی هه‌رێمی كوردستان به‌رزببێته‌وه‌ و ماوه‌ی هه‌فته‌یه‌ك ئه‌و به‌رزبوونه‌وه‌یه‌ی پله‌ی گه‌رما به‌رده‌وامیی هه‌بێت.

پشتیوان ئیبراهیم، شاره‌زای كه‌شناسیی بۆ مه‌ودا میدیای روونكرده‌وه‌، له‌ ڕۆژی شەممەوه‌ 28/10/2023 پلەی گەرما دەست بەبه‌رزبوونەوە دەکات لە سەرجەم ناوچەکان و بۆماوەی یەک هەفتە بەردەوام دەبێت، ئه‌وه‌ش بەهۆی جێگیربوونی بەرزەپەستان لەسەر ناوچەکانی هه‌رێمی كوردستان. 

ئه‌و شاره‌زایه‌ روونیكرده‌وه‌، لەو ماوەیه‌دا ئاسمان لە نێوان خۆر و هەور و هەندێك کات پەڵە هەور دەبێت و خێرایی با لە نێوان 20کلم بۆ 30 کلم دەبێت و لە کاتژمێرێکدا و بەپێی کات و شوێن گۆڕانکاریی روودەدات". 

پشتیوان ئیبراهیم، شاره‌زای كه‌شناسیی پێشبینیی كرد، ئەگەر هیچ گۆڕانکاریەک روونەدات، شەپۆلێکی بارانبارین دروستبووە لە کاتی نزیکبوونەوەی زانیاریی بڵاوده‌كه‌نه‌وه‌.

له‌ئێستادا پله‌ی گه‌رمیی شاره‌كانی هه‌رێمی كوردستان به‌مجۆره‌یه‌:
هەولێر     :  30 پله‌ی سیلیزی

سلێمانی   : 28 پله‌ی سیلیزی

دهۆک      : 31  پله‌ی سیلیزی

کەرکوک   : 32 پله‌ی سیلیزی

هەڵەبجە   : 29 پله‌ی سیلیزی

 زاخۆ        : 31 پله‌ی سیلیزی

حاجی ئۆمەران: 19 پله‌ی سیلیزی

سۆران :      29 پله‌ی سیلیزی

گەرمیان  :  34  پله‌ی سیلیزی