مه‌ودا میدیا - 

له‌پاش بڵاوبوونه‌وه‌ی هه‌واڵی گیانله‌ده‌ستدانی مامۆستایه‌كی وانه‌بێژ له‌ سنووری پارێزگای هه‌ولێر و بڵاوكردنه‌وه‌ی به‌شێوه‌یه‌كی به‌رچاو له‌ میدیا هاوكات له‌گه‌ڵ به‌رده‌وامیی بایكۆت، به‌ڕێوه‌به‌رایه‌تی به‌رگریی شارستانیی سۆران روونكردنه‌وه‌ی بڵاوكرده‌وه‌. 

به‌گوێره‌ی روونكردنه‌وه‌كه‌ی به‌رێوه‌به‌رایه‌تیی به‌رگریی سۆران، گیانله‌ده‌ستدانی جیهان ته‌ها، مامۆستای وانه‌بێژ به‌هۆی گڕگرتنی ئۆتۆمبێله‌كه‌ و سوتانی ته‌واوی جه‌سته‌یه‌وه‌ بووه‌، پاش گه‌یشتنی تیمه‌كان توانیویانه‌ ئاگره‌كه‌ كۆنترۆڵ بكه‌ن، به‌ڵام ئه‌و مامۆستایه‌ گیانی له‌ده‌ستدابوو.

ئه‌وه‌ش له‌كاتێكدایه‌، له‌ دوای هه‌واڵی گیانله‌ده‌ستدانی ئه‌و مامۆستایه‌ له‌ئێواره‌ی دوێنێوه‌ مشتومڕی له‌ تۆڕه‌كۆمه‌ڵایه‌تییه‌كاندا دروستكردووه‌ و زۆر له‌ هاوڵاتیان و مامۆستایان گومان له‌شێوازی مردنه‌كه‌ی ده‌كه‌ن.