مه‌ودا میدیاا - 

ئێواره‌ی ئه‌مرۆ یه‌كشه‌ممه‌ ته‌قه‌كردن له‌ بازاری گشتیی چه‌مچه‌ماڵ روویدا له‌نێوان چه‌ند كه‌سێكدا و پاش رووداوه‌كه‌ هێزه‌ ئه‌منییه‌كان گه‌یشتنه‌ شوێنی رووداوه‌كه‌ و ته‌قه‌كه‌ره‌كانیان ده‌ستگیركرد.

سه‌رچاوه‌ ره‌سمییه‌كانی شاری چه‌مچه‌ماڵ رایانگه‌یاند، له‌ بازاڕی قه‌زای چه‌مچه‌ماڵ سێ كه‌س بووه‌ به‌ كێشه‌یان و ته‌قه‌یان كردووه‌ و پاش ئاگاداركردنه‌وه‌ی هێزه‌ ئه‌منییه‌كان كێشه‌كه‌ كۆنترۆلكراوه‌ و سێ كه‌سه‌كه‌ش ده‌ستگیركراون. 

 

هاوكات ره‌مه‌ك ره‌مه‌زان، قائیمقامی قه‌زای چه‌مچه‌ماڵ له‌ لێدوانێكدا ئه‌و هه‌واڵانه‌ی ره‌تكرده‌وه‌ كه‌ باس له‌وه‌ ده‌كه‌ن شه‌ڕكه‌ره‌كان ته‌قه‌یان له‌ جێگایه‌كی ئه‌منیی شاره‌كه‌ كردبێت.