مەودا میدیا-

وەزارەتی کارەبای حکومەتی هەرێمی کوردستان رایدەگەیەنێت سیستمی پریپەیدی کارەبا لە سەنتەری قەزای ئامێدی جێبەجێکراوە، ئاماژە بەوەشدەکات  پریپەیدی کارەبا سیستمێکی پێشکەووتووی جیھانییە.

لە راگەیەندراوێکدا وەزارەتی کارەبای ھەرێمی کوردستان رایگەیاند "سیستمی پریپەیدی کارەبا لە سەنتەری قەزای ئامێدی جێبەجێکراوە و لەئێستادا کاری پێدەکرێت و ھاووڵاتیان دەتوانن بەشێوەیەکی باشتر و زیاتر و دادپەروەرانەتر سوود لە کارەبا وەربگرن".

ئاماژەی بۆ ئەوەشکراوە "پریپەیدی کارەبا سیستمێکی پێشکەووتووی جیھانییە و بەھۆیەوە بە شێوەیەکی دادپەروەرانە و ئابوورییانە کارەبا بەکاردەھێنرێت و لە پلانیاندایە ئەم پڕۆسەیە لەسەرانسەری ھەرێمی کوردستان جێبەجێبکات".

س.ر