مه‌ودا میدیا -

مه‌فره‌زه‌كانی نه‌هێشتنی تاوان له‌ ناوه‌ندی شاری سلێمانی ئه‌مڕۆ دووشه‌ممه‌ دوو كه‌سیان ده‌ستگیركرد كه‌ تۆمه‌تبارن به‌وه‌ی پاره‌یان له‌ قاسه‌ی چێشتخانه‌دا دزیوه‌ و به‌پێی ماده‌ی (443) له‌ یاسای سزادانی عیراقیی راگیراون.

به‌گوێره‌ی راگه‌یه‌ندراوێكی به‌ڕێوه‌به‌رایه‌تیی پۆلیسی پارێزگای سلێمانی، پاش تۆماركردنی سكاڵا له‌لایه‌ن هاوڵاتییه‌كه‌وه‌ كه‌ بڕێك پاره‌ی له‌ قاسه‌ی چێشتخانه‌دا دزراوه‌، هێزه‌كانی پۆلیس لێكۆڵینه‌وه‌یان ده‌ستپێكرد و به‌ بڕیاری دادوه‌ر توانرا له‌ ماوه‌یه‌كی كه‌مدا دوو تۆمه‌تبار تایبه‌ت به‌و دۆسیه‌یه‌ ده‌ستگیربكرێن.

پۆلیسی سلێمانی روونیكرده‌وه‌، تۆمەتباران (ح، أ، ب - م، م، أ) دانیان بەتاوانەکەیاندا ناوە و لەئێستادا بەبڕیاری‌ دادوەر و بەپێی‌ ماددەی‌ ٤٤٣ لەیاسای سزادانی عیراقیی راگیراون و لێكۆڵینەوە لەگەڵیاندا بەردەوامە.