مه‌ودا میدیا - 

نوسینگه‌ی نه‌هێشتنی تاوانی قه‌زای زاخۆ ئۆتۆمبێلێكی جۆری ئۆپڵی گه‌ڕانده‌وه‌ بۆ خاوه‌نه‌كه‌ی پاش ده‌ستگیركردنی ئه‌و كه‌سه‌ی كه‌ دزیبووی. 

به‌گوێره‌ی راگه‌یه‌ندراوی نه‌هێشتنی تاوان، تۆمه‌تبار (ب.م.ك) داواكراو بوو له‌سه‌ر سێ تاوان یه‌كێك له‌ تاوانه‌كان بریتیی بوو له‌ دزینی ئۆتۆمبێلێكی جۆری ئۆپڵ، پاش لێكۆڵینه‌وه‌ هێزه‌كانی نه‌هێشتنی تاوانی زاخۆ توانییان ناوبراو ده‌ستگیربكه‌ن و ئۆتۆمبێله‌كه‌ش بگه‌ڕێننه‌وه‌ بۆ خاوه‌نه‌كه‌ی. 

له‌ئێستا تۆمه‌تباری ئاماژه‌بۆكراو په‌راوی بۆ كراوه‌ته‌وه‌ و لێكۆڵینه‌وه‌ به‌رده‌وامه‌ و به‌بریاری دادوه‌ر به‌پێی ماده‌ی (443 ) یاسای سزادانی عیراقیی راگیراوه‌.