مەودا میدیا-

بە‌ڕێوەبەرایەتیی گشتیی كەشناسیی و بوومەلەرزەزانیی هەرێمی كوردستان پێشبینییەكانی كەشوهەوای ئەمڕۆ و سبەینێی بڵاوكردەوە و بەپێی زانیارییەكان بە شێوەیەكی گشتی ئاسمان لەنێوان هەوری تەواو بۆ نیمچەهەور دەبێت.

بەپێی راگەیەندراوی بە‌ڕێوەبەرایەتیی گشتیی كەشناسی و بوومەلەرزەزانی هەرێمی كوردستان تایبەت بە كەشوهەوای ئەمڕۆ سێشەممە 31ی تشرینی یەكەمی 2023 و سبەی چوارشەممە، بە شێوەیەكی گشتی لە 48 كاتژمێری داهاتوودا ئاسمان هەوری تەواو و نیمچەهەور دەبێت و پلەكانی گەرماش كەمێك نزمدەبنەوە.

ئاماژە بەوەشكراوە، پێشبینییەكانی ئەمڕۆ ئاسمان بە گشتی  نیمچەهەور دەبێت و لە ناوچە شاخاوییەکان هەورى تەواو دەبێت.

ئەمڕۆ پلەكانی گەرما كەمێك نزمدەبنەوە بەراورد بە تۆماركراوەكانی دوێنێ، سەبارەت بە كەشی سبەی چوارشەممە كەشناسی دەڵێت "ئاسمان بەگشی لە نێوان هەورى تەواو و نیمچەهەور دەبێت ئەگەرى پروشکە باران لەسەر هەندێ ناوچەى جیاجیا و لە کاتى جیاجیادا بە تایبەت ناوچە شاخاوییەکان".

هاوكات بەرزترین پلەکانی گەرمای پێشبینیکراو بە سیلیزی بەمشێوەیەیە: 

هەولێر     :  29 پلەى سیلیزى
سلێمانی   : 27 پلەى سیلیزى
دهۆک      : 29  پلەى سیلیزى
کەرکوک   : 30 پلەى سیلیزى
هەڵەبجە   : 28 پلەى سیلیزى
 زاخۆ        : 30 پلەى سیلیزى
حاجی ئۆمەران: 18 پلەى سیلیزى
سۆران :      25  پلەى سیلیزى
گەرمیان  :  34  پلەى سیلیزى
                                            

ژ.ع