مەودا میدیا-

تۆمەتبارێك بە دزینی قاسەی پارەی ماڵێك لە هەولێر دەستگیركرا، دوو تۆمەتباری هاوڕێی كە هاوكاری بوون لەو كردەوەیە هەڵهاتوون.

ئاسایشی هەولێر ئەمشەو 1ی تشرینی دووەمی 2023 دەستگیرکردنی تۆمەتبارێکی راگەیاند بەتۆمەتی  دزیکردن و دەڵێت "لەلایەن هێزەکانمان لە بەڕێوەبەرایەتیی ئاسایشی هەولێر، دوای وەرگرتنی رەزامەندیی  داوەری لێکۆڵینەوەی ئاسایشی هەولێر، تۆمەتبار (م ، س ،ع)مان دەستگیركرد".

بەپێی راگەیەندراوەكە، تۆمەتباری ئاماژەپێكراو بە تۆمەتی ئەنجامدانی تاوانی دزینی (قاسەیەکی پارە) لەماڵێکی گەڕەکی منارەی شاری هەولێر دەستگیركراوە.

ئەو تۆمەتبارە دەستگیركراوە، لەگەڵ دوو تۆمەتباری دیكە بە ناوەکانی (م ،س ) و (ش) کە لە ئێستادا بۆ شوێنێکی نادیار هەڵهاتوون كارەكەیان ئەنجامداوە و ئاسایش جەختدەكاتەوە "بەدواداچوون بەردەوامە بۆ دەستگیرکردنیان".

ژ.ع