مەودا میدیا-

وەزارەتی دارایی و ئابووریی هەرێمی كوردستان خشتەی مووچەی فەرمانبەرانی رایگەیاند و بەپێی خشتەكە لەماوەی یەك هەفتەدا تەواوی وەزارەتەكان مووچەكانیان وەردەگرن.

پاشنیوەڕۆی ئەمڕۆ، وەزارەتی ئابووریی و دارایی هەرێم خشتەی مووچەی راگەیاند و ئاماژەی بەوەكرد، رۆژی شەممە رێکەوتی 4ی تشرینی دووەم دەست به دابەشکردنی مووچەی مانگی ئاب دەکرێت و رۆژی پێنجشەممە 9ی تشرینی دووەم كۆتایی بە پرۆسەكە دێت.

 خشتەی مووچەی مانگی ئاب كە وێنەیەكی دەست مەودا میدیا كەوتووە، بە وەزارەتی تەندروستی دەستپێدەکات و بە خانەنشینیی پێشمەرگە كۆتایی دێت.

بەیانیی ئەمڕۆ وەزارەتی دارایی و ئابووریی هەرێمی كوردستان بڵاویكردەوە، بە دوو گوژمەی 250 ملیۆن و 200 ملیۆن دینار، بڕیی 450 ملیۆن دینار لە بەغداوە رەوانەی هەرێم كراوە.

ژ.ع