مه‌ودا میدیا - 

به‌رێوه‌به‌رایه‌تیی پۆلیسی قه‌زای زاخۆ ئاشكرایكرد، كه‌سێكیان ده‌ستگیركردووه‌ كه‌ له‌ رێگه‌ی تۆڕی كۆمه‌ڵایه‌تییه‌وه‌ خه‌ڵكی فریوداوه‌ و به‌ناوی جادووگه‌رییه‌وه‌ پاره‌ی لێوه‌رگرتوون.

به‌گوێره‌ی راگه‌یه‌ندراوی پۆلیسی قه‌زای زاخۆ كه‌ له‌سه‌ر په‌یجی خۆی له‌ تۆڕی كۆمه‌ڵایه‌تیی فه‌یسبوك بڵاویكردووه‌ته‌وه‌، جادووگه‌ره‌كه‌ له‌ رێگه‌ی دوو سناپچاته‌وه‌ چه‌ندین هاوڵاتیی سنووره‌كه‌ی خۆی فریوداوه‌ و پاره‌كه‌ی لێوه‌رگرتوون به‌ناوی جادووگه‌رییه‌وه‌، به‌ڵام هیچ زانیارییه‌كی له‌باره‌ی جادووگه‌رییه‌وه‌ نه‌بووه‌ و ته‌نها مه‌به‌ستی وه‌رگرتنی پاره‌ بووه‌. 

جادووگه‌ره‌كه‌ دانی به‌تاوانه‌كه‌یدا ناوه‌ و له‌ئێستادا راگیراوه‌ و لێكۆڵینه‌وه‌ی له‌گه‌ڵدا ده‌كرێت.