مەودا میدیا-

بەڕێوەبەرایەتیی گشتیی کارەبای سلێمانی لەبارەی لێخۆشبوونی لە 15% قەرزی کارەبای پۆلەکانی (بازرگانى و پيشەسازى و كشتوكاڵى و حكومى روونکردنەوە دەدات.

لە راگەیەندراوەکەی بەڕێوەبەرایەتیی گشتیی کارەبای سلێمانی هاتووە "لێخۆشبوونی لە 15%ی قەرزی کەڵەکەبووی پارەی کارەبا بۆ هەر یەک لە پۆلەکانی (بازرگانى و پيشەسازى و كشتوكاڵى و حكومى) کە رێکەوتی 28/8/2023 بۆ ماوەی سێ مانگ دەستیپێکرد و رێکەوتی 28/11/2023 کۆتایی دێت".

ئاماژەی بەوەشکرد "لێرەوە داوا لە هاوبەشانى بازرگانی و پیشەسازی و کشتوکاڵی دەکەین، ئەوانەى دەیانەوێت سوودمەندبن لە داشکاندنى 15%ى قەرزى کارەبا پێویستە تا بەروارى 28/11/2023 سەردانی بەڕێوەبەرایەتییەکانی دابەشکردنی کارەبا بکەن بۆ ئەوەی سوودمەندبن لەو بڕیارە".

کارەبای سلێمانی ئەوەشی روونیکردووەتەوە "پۆلى ماڵان لێخۆشبوونەوکە رێکەوتی 23ی تشرینی یەکەمی 2023 کۆتایی هاتووە و نەماوە".

س.ر