مەودا میدیا- سازگار ئەحمەد

پیشنیوەڕۆی ئەمڕۆ لەسەر رێگەی خەبات - هەولێر لە رووداوێکی هاتوچۆدا لە جۆری پێکدادان شۆفێری یەکێک لە ئۆتۆمبێلەکان گیانی لەدەستداوە.

فازڵ حاجی، وتەبێژی هاتوچۆی هەولێر بە مەودا میدیای راگەیاند "پێشنیوەڕی ئەمڕۆ یەکشەممە 5ی تشرینی دووەمی 2023 لەسەر رێگەی سەرەکی هەولێر - خەبات لەنزیک مەفرەقی تۆپزاوە یارسێکی تایبەت بەشێوەیەکی لەناکاو لەسەر رێگی لاوەکییەوە هاتە سەر رێگەی سەرەکی بۆئەوەی بچێتە ناوشوێن پێچێک بۆسایدی گەڕانەوە بەرەو هەولێر، لەوکاتەش تانکەرێکی گواستنەوەی سوتەمەنی لە سایدی خۆی دەڕۆیشت لەسەر ڕێگایەکەوە یارسەکە کەوتە سەر رێڕەوی و پێکدادان دروستبووە، بەهۆی رووداوەکەوە شۆفێری یارسەکە گیانی لەدەستدا".

وتەبێژی هاتوچۆی هەولێر ئاماژەی بەوەشدا "زیانێکی زۆری مادیش کەوتووەتەوە، بەپێی ئەنجامی لێکۆڵینەوە سەرەتاییەکان بێت ئۆتۆمبێلی یارسەکە بەلایەنی خەتابار دانرا لە رووداوەکە".

س.ر