مه‌ودا میدیا - 

به‌گوێره‌ی راگه‌یه‌ندراوێك كه‌ به‌ڕێوه‌به‌رایه‌تیی ئاسایشی هه‌ولێر له‌سه‌ر په‌یجی خۆی له‌ تۆڕی كۆمه‌ڵایه‌تیی فه‌یسبوك بڵاویكردووه‌ته‌وه‌، هێزه‌كانی سه‌ر به‌و به‌رێوه‌به‌رایه‌تییه‌ باندێكی ساخته‌كاریی و ساغكردنه‌وه‌ی پاره‌یان ده‌ستگیركردووه‌.

له‌ راگه‌یه‌ندراوه‌كه‌دا روونكراوه‌ته‌وه‌، لەلایەن هێزەکانی (بەڕێوەبەرایەتی ئاسایشی هەولێر) دوای وەرگرتنی ڕەزامەندی بەڕێز داوەری لێکۆڵینەوەی ئاسایشی هەولێر،توانییان چوار تۆمەتبار دەستگیر بکەین بەناوەکانی (م ، ر ، س) و (م ، ن ، س) و (م ، م ، ر)و(أ ، د ، ع )کە پاره‌ی ساخته‌یان ساغكردووه‌ته‌وه‌. 

به‌ڕێوه‌به‌رایه‌تیی ئاسایشی هه‌ولێر  ئاماژه‌ی به‌وه‌شكردووه‌، ئه‌و بانده‌  بڕێکی زۆر دراوی ساختەی لەناو بازاڕەکانی شاری هەولێر لەجۆرەکانی (پەنجا هەزاری )و (بیست و پێنج هەزاریی ) و (دە هەزاریی )و (پێنج هەزاریی) ساغكردووه‌ته‌وه‌.