مه‌ودا میدیا - 

ئه‌نجومه‌نی وه‌زیرانی هه‌رێمی كوردستان ئه‌مڕۆ سێشه‌ممه‌ له‌ په‌یامێكدا كه‌ ئاراسته‌ی وه‌زاره‌تی خوێندنی باڵا و توێژینه‌وه‌ی زانستیی حكومه‌تی هه‌رێمی كوردستان كردووه‌ ، داوای لێده‌كات بڕیارێك به‌ سوودی خوێندكارانی پاراڵێڵ بدات. 

سەرۆکایەتی دیوانی ئەنجوومەنی وەزیرانی هەرێمی کوردستان له‌ نوسراوێكدا كه‌ ئاراستەی وەزارەتی خوێندنی باڵا و توێژنەوەی زانستیی حکومەتی هەرێمی کوردستانی کردووە، جەخت لەسەر هاوکاریکردنی قوتابییانی خوێندنی پاراڵێل دەکاتەوە.

ئه‌نجومه‌نی وه‌زیران  روونیكردووه‌ته‌وه‌، به‌ ره‌چاوكردنی دۆخی دارایی و بە مەبەستی دەستەبەرکردنی ئاسانکاری زیاتر، "پێویستە وەرگرتنی قستی یەکەمی کرێی خوێندنی قوتابییانی پاراڵێل دوابخرێت و نەکرێتە مەرجی وەرگرتن و دەستپێکردنی ساڵی خوێندنی 2023-2024 لە زانکۆ و پەیمانگەکان".