مەودا میدیا- سازگار ئەحمەد

درەنگانی شەوی رابردوو لە گوندی قادریەی سەر بە ناحیەی گوێر لە پارێزگای هەولێر ئاگر لە پاڵاوگەیەک کەوتەوە لە ئەنجامدا چوار کەس برینداربوون.

ئەمڕۆ دووشەممە 6ی تشرینی دووەمی 2023 کاروان میراودەلی، وتەبێژی بەرگریی شارستانی هەولێر بە مەودا میدیای راگەیاند "درەنگانی شەوی رابردوو لە گوندی قادریەی سەر بە ناحیەی گوێر لە پارێزگای هەولێر ئاگر لە پاڵاوگەیەک کەوتەوە، لە ئەنجامی رووداوەکە چوار کەس برینداربوون و زیانی مادیش کەوتەوە".

ئاماژەی بەوەشکرد "بریندارەکان لە نەخۆشخانەن و چارەسەر وەردەگرن یەکێک لە بریندارەکان بە رێژەی لە 100% سووتاوە و یەکێکی دیکەشیان رێژەی سووتاوییەکەی لە 98%ە، هەروەها لیژنەیەک پێکهاتووە بۆ لێکۆڵینەوە لە رووداوەکە و زانینی هۆکاری سەرەکی".

س.ر