مەودا میدیا-

مه‌فره‌زه‌كانی‌ بنكه‌ی‌ پۆلیسی‌ حه‌ساری‌ سه‌ر به‌ به‌شی‌ پۆلیسی‌ سه‌یدسادق دوو تۆمه‌تباریان ده‌ستگیركرد كه‌  له‌لایه‌ن دادگای‌ لێكۆڵینه‌وه‌ی‌ هه‌ولێره‌وه‌ به‌پێی‌ ماده‌ی 406 داواكراوبوون.

بەڕێوەبەرایەتیی پۆلیسی سلێمانی رایگەیاند "دوای ئەوەی بڕیاری‌ ده‌ستگیركردنی‌ دوو تۆمه‌تبار له‌لایه‌ن دادگای‌ لێكۆڵینه‌وه‌ی‌ هه‌ولێره‌وه‌ گەیشتە بەڕێوەبەرایەتیی پۆلیسی پارێزگای سلێمانی، ھێزەکانی پۆلیس لێكۆڵینەوەو بەدواداچوونەكانیان دەستپێكرد و سەرەنجام توانرا لەلایەن مه‌فره‌زه‌كانی‌ بنكه‌ی‌ پۆلیسی‌ حه‌ساری‌ سه‌ر به‌ به‌شی‌ پۆلیسی‌ سه‌یدسادقه‌وه‌ تۆمه‌تباران بدۆزرێنەوە و دەستگیربكرێن، هه‌روه‌ها ده‌ستیشگیرا به‌سه‌ر چه‌كێك له‌ جۆری‌ ده‌مانچه‌ كه‌ به‌ یه‌كێك له‌ تۆمه‌تباره‌كان بووه‌".

ئاماژە بەوەکراوە "لەئێستادا تۆمەتباران (ب، م، ب - ش، ب، أ) بە بڕیاری دادوەر راگیراون‌ و دوای تەواوكردنی رێكارە یاساییەكان ره‌وانه‌ی‌ شوێنی داواكراو دەكرێنەوە، یەکێک لە تۆمەتبارەکان سکاڵایەکی دیکەی لەسەر تۆمارکراوە و بەبڕیاری دادوەرو بەپێی مادەی 422 لە یاسای سزادان لەلایەن دادگاوە داواکراوە".

س.ر