مه‌ودا میدیا - 

به‌رێوه‌به‌رایه‌تیی به‌رگریی شارستانیی ئاكرێ له‌ راگه‌یه‌ندراوێكدا كه‌ له‌سه‌ر په‌یجی خۆی له‌ تۆڕی كۆمه‌ڵایه‌تیی فه‌یسبوك بڵاویكرده‌وه‌، هه‌واڵی خنكانی منداڵێكی له‌ رووباری خازر راگه‌یاندووه‌. 

به‌گوێره‌ی راگه‌یه‌ندراوه‌كه‌ی به‌رێوه‌به‌رایه‌تیی به‌رگریی شارستانیی ئاكرێ، ئه‌مڕۆ دووشه‌ممه‌، منداڵیك به‌ ناوی (فه‌هد عه‌بدولڕه‌حمان ميكائيل)  ته‌مه‌ن دوو ساڵان دانیشتووی گوندی زه‌نگه‌نان سه‌ر به‌ ناحیه‌ی داره‌توو له‌ قه‌زای به‌رده‌ڕه‌ش سه‌ر به‌ پارێزگای دهۆك، له‌ كه‌وتۆته‌ ئاوی رووباری خازر نزیك پردی مه‌ندان و خنكاوه‌. 

به‌رێوه‌به‌رایه‌تیی به‌رگریی شارستانیی ئاكرێ له‌ راگه‌یه‌ندراوێكه‌یدا روونیكردووه‌ته‌وه‌، خێزانی ئه‌و منداڵه‌ خنكاوه‌، به‌مه‌به‌ستی سه‌یران و سه‌ردان چووبوونه‌  نزیك رووباری خازر.